FC Barselona

Xavier Ernandes Kreus (Xavi)

barsa — Mon, 26 Apr 2010 01:51:28 GMT

Xavier Ernandes Kreus (Xavi)

Tug’ilgan kuni: 25.01.1980

Tug’ilgan joyi: Terassa, Ispaniya

Bo'yi: 170 sm, vazni: 68kg.

Jamoadagi debyuti: 11.08.1998

Shartnoma muddati: 2014 yilgacha

Transfer bahosi: 50.000.000 Euro

Sayti: www.xavihernandez.com

Biografiya:

Qahramonimiz Xavi butun futboldagi karyerasini aytish mumkinki, faqat Barselona klubiga bag'ishlagan. 11 yoshida "La Masii" sport maktabiga kelgan va shundan so'ng bu yerda hozirgi kungacha bo'lgan barcha yutuqlarga erishib kelmoqda.

U juda tezlik bilan rivojlanib, o'sib bordi. 1997-98 yilgi mavsumda "Xuvenil" guruhidan "Barsa B" qo'shildi. U yerda Xordi Gonsalvo boshchiligida jamoa Segundaga ko'tarilishga muvaffaq bo'lishdi.

Xavining asosiy jamoa tarkibida debyut qilish orzusi 1998 yil yozida ro'yobga chiqdi. Ispaniya Superkubog bahsida Malyorkaga qarshi asosiy tarkibda maydonga chiqdi, ham debyut bo'ldi va eng asosiysi u shu kuni gol urdi, ajoyib debyut emas-mi?! Birinchi o'yinda gol urish faqat orzu qilish mumkin. Shuningdek Xavi keyingi 1998-99 yilgi mavsumda ham La Ligada chempionlikka erishishda muhim rol o'ynadi. O'sha vaqtda Lui Van Gal murabbiy edi.

1999-2000 yilgi mavsum Xavi uchun omadli bo'ldi deyish mumkin. Chunki, o'sha vaqtda "4" raqam sohibi Gvardiolaning jarohat olishi oqibatida, u asosiy tarkibda ko'pgina o'yinlarda ishtirok etdi. Ana shu afsonaviy jamoa sardorining Italiyaga ketishi, qahramonimizni "Barselona orkestri"ning dirijyoriga aylantirdi.

Jamoaning barcha murabbiylari davrida Xavi asosiy figuralardan bo'lgan. Ya'ni, Van Gal, Reksach, Antich, Raykaard yoki hozirgi Gvardiola qo'l ostidagi tarkiblarda u jamoaning ajralmas yarim himoyachisi hisoblanib kelmoqda.

Frank Raykaard murabbiyligi ostida bu katalon o'g'loni yarim himoyaning barcha nuqtalarida harakat qilish imkoniyatiga ega ekanligini namoyish etgan. Zero, 2004-05 yilgi mavsumda u 36 ta o'yin o'tkazganligi bu fikrimizga dalil bo'la oladi.

Deyarli barcha futbolchilarda bo'lgani kabi bir xunuk illat bu o'yinchiga ham ta'sir ko'rsatgan. Albatta bu jarohatlar... Xavi 2005 yilning 2 dekabrni yoddan chiqarmaydi. "La Masii"dagi mashg'ultlardan birida u noqulay va noto'g'ri harakati oqibatida chap tizzasidan jarohat oladi... Shunday qilib tiklanish bosqichi qariyb 5 oy davom etadi. Bu muddat kutilgandan ko'ra ancha erta bo'ldi va qahramonimiz yana yashil maydonga qaytdi. Va nihoyat 2006 yilning 29 aprelida "Kadis"ga qarshi o'yinda o'zini yana haqiqiy futbolchi sifatida his etdi. O'z vaqtida tarkibga qo'shilgan Xavi o'z jamoasi bilan La Ligada va Chempionlar ligasida chempionlikka erishdi.

Frank Raykaard murabbiyligi ostida Xavi oxirgi ikki yilni juda ajoyib, ishonchlarni oqlagan holda aksariyat uchrashuvlarni o'tkazdi. 2007-08 yilgi mavsumda u hujumchilarga xos individual mahorat egasi ekanligini namoyish etib Ligada 7 ta gol urishga muvaffaq bo'ldi. Bu ko'rsatkich 2001-02,03-04 yilgi mavsumlarda urilgan 4 ta goldan ancha yaxshi edi. Murabbiy etib Gvardiola kelganidan so'ng ham Xavi Ernandes rekordni yaxshilashni davom ettirdi. Hozirgi kunga kelib, uning hisobida 11 gol mavjud. Jamoa tarkibida u hamyurti Iniyesta bilan ajoyib tandem hosil qilib, jamoaning motoriga aylanishgan. Albatta, o'tgan mavsumdagi "triplet"ga erishishda Xavining o'rni beqiyos. Uning golli paslariga faqat havas qilsa arziydi.

Terma jamoadagi Xavi haqida to'xtaladigan bo'lsak, o'zining karyerasida terma jamoasi tarkibida ikkita Jahon chempionatida (2002, 2006), yana shuncha martta Yevropa chempionatida (2004, 2008) ishtirok etgan va jamoaning liderlaridan hisoblanadi. Va shuni ham alohida keltiramiz, oxirgi chempionatda u musobaqaning eng yaxshi o'yinchisi deb tan olindi. Ispaniya terma jamoasi tarkibida Yevropa chempioni bo'ldi. Kataloniyalik ushbu o'glon 2008 yilda "FIFA versiyasiga ko'ra eng yaxshi o'yinchi" nominatsiyasida faxrli 5 o'rinni egallagan bo'lsa, o'tgan yili esa uchlik ro'yhatiga kiritildi. Hozirda dunyoning eng yaxshi pleymekeri (playmaker) hisoblanadi.

XARAKTERISTIKA:

Xavi har bir o'yinda jamoani bosiqlik va yuksak mahorat bilan boshqarib boradi. U Barsada orkestr dirijyori rolida bo'lsa ham, o'yinni juda ajoyib borishini ta'minlab beradi. U "blaugrana" maktabining yetuk namunasi, ayniqsa aynan shu pozitsiyada.

Undan tashqari, yillar mobaynida u maydon markazida turli nuqtalarda yuqori sifatli o'yin namoyish etib kelmoqda. Uning uzoqqa to'p oshirishlari, aniq uzish bilan berilgan paslari, pressing harakatlari yarim himoya qiroli deyilishiga asos bo'ladi. To'pni ushlab turish, berkitish, o'z vaqtida (offsidega tushmasda) sheriklariga oshirish kabi usullar raqiblarga ancha muncha qiyinchiliklar tug'diradi o'yin davomida. O'zingiz guvoh bo'lishni hohlasangiz, Barsa ishtirokidagi bir o'yinni kuzatib boring, iloji bo'lsa Xavining to'p oshirishlarini, oldirib qo'yishini hisoblab boring... :)

Yutuqlari:

UEFA chempionlar ligasi: 2 (2005/06, 2008/09).

Yevropa Superkubogi: 1 (2009/10).

Ispaniya Superkubogi: 4 (1997/98, 2005/06, 2006/07, 2009/10).

Ispaniya Kubogi: 1 (2008/09).

Ispaniya La Ligasi: 4 (1998/99, 2004/05, 2005/06, 2008/09).

Ispaniya terma jamoasida:

Yevropa Chempioni: 1 (2008).

Olimpiada kumush medal sohibi - 2000.

20 yoshgacha bo'lgan Jahon chempioni: 1 (1999).

Shaxsiy yutuqlari:

Yevropa chempionatining eng yaxshi o'yinchisi: 1 (2008).

Chempionlar ligasi eng yaxshi o'yinchisi: 1 (2008/09).

Ispaniya Ligasining eng yaxshi yarim himoyachisi: 1 (2008/09)

YAYA TURE

barsa — Wed, 07 Oct 2009 02:41:25 GMT

YAYA TURE (Yahyo Toure)

Yaya Toure 1983 yilning 13 mayida Kot'd-Ivuar (Fil suyagi qirg'og'i)da tug'ilgan. U hozirda Barselona jamoasida yarim himoyachi hisoblanadi. U jamoada "Firewall" ya'ni "olov devori" laqabi bilan nom qozongan, zero uning jismoniy jihatdan juda kuchli va ajoyib mahorati ila raqibning hujumlarini daf etishi ushbu laqab qo'yilishiga sabab bo'lgan.

Yayaning dastlabki jamoasi ASEC Mimosas - Ivuardagi mashhur jamoalardan. U bu yerdagi yoshlar akademiyasiga qatnaydi, so'ngra Yevropaga jo'nab ketadi. "Ko'hna qit'a"da ilk jamoasi Belgiyaning Bevereni bo'ladi va shu yerdan Ukrainaning Donetskiga transfer qilinadi.

2005 yilda yunon skauti Metyu Teylor tavsiyasi bilan Ture Gretsiyada Olimpiakos tarkibida paydo bo'ladi. Bu orada Arsenalda ham mavsumoldidan biroz o'ynaydi. Lekin, u yerda ham o'zini ko'rsatolmaydi. Shunga qaramay, Eurosport tasnifiga ko'ra 2005 yilning umidli yoshlari qatoridan joy oladi. Bu ro'yhatdan hozirda ham ancha taniqli bo'lib qolgan Liverpuldagi Xavier Maskerano va Atletiko Madriddagi argentinalik Serhio Aguerolar ham borligi diqqatga sazovor.

2006 yilda esa Olimpiakosda qolishdan bosh tortib, Monacoga keladi.

Nihoyat, 2007 yilda Kataloniyaning Barselona jamoasi Ture uchun 9 million Euro taklif etadi va o'z tarkibiga qo'shib oladi. U hozirda 24 raqam ostida to'p surib kelmoqda. Debyut o'yinini 2007 yil 26 avgustda Rasing qarshi bahsda o'tkazadi. Dastlabki golini Gamper kubogida Inter (Italiya)ga qarshi uchrashuvda kiritishga muvaffaq bo'ladi. Rasmiy golini esa La Ligada Atletik Bilbaoga kiritadi, ya'ni 2007 yilning 2 sentabrida. 2007-2008 yilgi Chempionlar ligasidagi chorak finaldagi raqibi Shalke-04 jamoasi bilan bo'lgan o'yinda u gol kiritib, bu turnirda ham gollar hisobini ochadi. Nemislar ustidan ikki o'yinda g'alaba qozonib keyingi bosqichga yarim finalga yo'l olishadi, ammo u yerda Manchester Yunayted ikki o'yin natijasiga ko'ra 1-0 hisobida g'alaba qozonadi va afsuski Barsani finaldan quruq qoldiradi.

2008/09 yilgi mavsumda klubga yangi murabbiy Xosep Guardiola keladi. Shuning bilan birga murabbiy yarim himoyaga yosh va umidli bo'lgan Sergio Buskestni ham olib keladi (Buskets Barselonaning yoshlar tarkibidan kelib qo'shilgan). Ture uchun zahira o'yinchisi edi, u esa jarohat olmadi va mavsumni ajoyib tarzda o'tkazib The Treble (uchlik) sovrinlari qo'lga kiritilishiga o'z hissasini qo'shdi. Xattoki, u vaziyat taqozo etganda himoya markazida ham yorqin o'yin namoyish etib berdi. Bu paytda markaziy himoyachilar jarohat sababli va disflikatsiya sababli maydonga tushishmagan edi. Yayaning maydon markazidan borib 2-3 futbolchini aldab o'tib beradigan zarbalari ayniqsa xafvli bo'ldi. Bir nechtasi darvozadan ham joy oldi.

27 iyun 2009 yil Yaya Ture klub bilan shartnomani 1 yilga uzaytirdi, endi u bu yerda 2012 yilgacha qoladi.

Uning aka-ukalari ham o'z navbatida futbolchilardir. Manchester Cityda himoyachi bo'lib akasi Kolo Ture o'ynasa, ukasi Ibrohim esa Suriyada Al-Ittihod jamoasida o'ynab kelmoqda.

2001 - Kot'd-Ivuar chempioni
2005/06 - Gretsiya Super ligasi g'olibi
2005/06 - Gretsiya Kubogi sohibi
2008/09 - Ispaniya chempioni
2008/09 - Ispaniya kubogi sohibi
2008/09 - UEFA chempionlar ligasi g'olibi
2008/09 - Ispaniya Superkubogi egasi
2009 - UEFA Superkubogi g'olibi.

------ Intervyu ------
Kot'd-Ivuar va Barselona jamoasi yarim himoyachisi Yaya Ture o'z intervyularida Barselonada butun hayoti davomida qolishni hohlashini ta'kidlaydi. U o'ziga Angliya jamoalaridan qiziqishni katta maqtov hisoblaydi, ammo Barselona u uchun eng to'g'ri jamoadir. "Man Barselonani sevaman. BU dunyodagi eng yaxshi jamoa. Men karyeramni faqat shu jamoada yakunlashni hohlayman va barchaga bu klub men uchun ko'p narsa bildirishini isbotlayman. Qachonki kun kelib, klubga men kerak bo'lmay qolsam, shunda ketishni o'ylashim mumkin. Ammo bu yerda kerak ekanman, hayotim ohirigacha shu yerda bo'laman."

Atletiko Madrid bilan uchrashuvdan so'ng o'tkazilgan matbuot anjumanida Yaya Ture ham ishtirok etdi va klubni tark etishi haqidagi mish-mishlarga javob berib o'tdi. Ta'kidlash mumkinki, u ajoyib tarzda barchasiga nuqta qo'ydi.
- "Men Barselonada judayam baxtliman. Barchasi a'lo darajada va men bu jamoa tarkibida ekanligimdan faxrlanaman. Shu bilan birga bu yerda ko'p yillar davomida qolishni hohlayman. Endi men haqimdagi mish-mishlarga keladigan bo'lsak, ular ko'proq pul haqida bo'lmoqda. Men umuman bu haqida o'ylaganim yo'q. Hozirda o'ynamoqdaman va men uchun eng muhimi shu. Pul esa keyinroq keladi" javob berdi Ture.

JOSEP GUARDIOLA

barsa — Tue, 22 Sep 2009 18:52:40 GMT

Xosep Guardiola

Xosep Guardiola i Sala 1971 yil 18 yanvarida Santpedorda dunyoga keldi. Muvaffaqiyatli o'yin karyerasi, so'ngra Barca Atletik (yoshlar jamoasi)da menejer vazifalarida faoliyat yuritgandan keyin, asosiy tarkibdagi debyut mavsumidayoq to'rtta sovrinni qo'lga kiritgani e'tiborga molik.

Xosep, Barselona tarihidagi eng muhim o'yinchilardan biri bo’lgan. U bu yilgi oltin mavsumdagi asosiy jamoaga, dastlab Barsa Atletikda "B” diviziondagi g'alabasiga erishgandan so'ng, ya'ni 2008 yil 17 iyunda tashrif buyurgan edi. "Men sizga sovrin va'da qilmayman, ammo shuni aytamanki, biz oxirida ham jangovar ko'rinishda bo'lamiz va bizdan faxrlana olasiz", deya ta'kidlaydi u o'zining ilk Gamper Kubogida. Va u oxir-oqibat haq bo'lib chiqdi.

Pep Kataloniyalik 15 - murabbiy hisoblanadi klub tarihida. U ushbu mavsumda uzoq kutilgan (ya'ni ikki mavsum sovrinsiz o'tgan) yutuqqa erisha oldi. Bu yutuqlarda uning Barsa Atletikda sinab ko'rgan va o'ta muvaffaqiyatli chiqqan taktikasi, ya'ni 4-3-3 ko'rinishidagi taktik usuli juda qo'l keldi.

Guardiola faqat hujumga qaratilgan futbol tashkil etdi, undan tashqari bu usulda vaziyatni nazorat qilish va to'p bilan ko'p muomalada bo'lish asos qilib olindi. Zero shu yo'l bilan raqib jamoa a'zolari to'psiz ko'proq yugurishlariga to'g'ri keladi. Bu yo'l bilan ularda ko'plab xavfli vaziyatlar vujudga kelishini va gol urish uchun turli zarbalar berish imkoni paydo bo'ladi. U o'yinchilarning qobilyatlariga yuqori baho beradi, lekin baribir mashaqqatli mehnatni talab qiladi, shundan kelib chiqib individual mahoratdan umumiy, jamoaviy mehnatni ustun qo'ydi. U sport jamoasida futbol bo'yicha natijaga javobgar hisoblanadi, shuning uchun uni jamoa yetakchisi deyish mumkin.

Xosep Guardiola - mayda detallargacha e'tibor beruvchi murabbiydir. U hattoki har bir o'yinda raqibining o'yinini video orqali o'rganib chiqishga tayyor va xech qachon keyingi bahsgacha hali bor deb o'tirmaydi. Jamoa muhitida u ajoyib motivator (ya’ni "ruhshunos”, shu o’rinda Ahmad aka Uaydullayevning so’zlari yana bir bor esimga tushdi), har bir o'yichi o'zini a'lo holatda bo'lishini ta'minlaydi. Aynan ushbu falsafiy qarashlari, Barselonadek jamoaga 2008/09 mavsumida Ispaniya Kubogi, Yevropa Chempionlar ligasi, milliy chempionat va Superkubok bahslarida g'alabalar olib keldi, bu sovrinli mavsum jamoa tarihidagi eng yaxshisi bo'lishiga zamin yaratdi.

Bu ajoyib yutuqlar klub tarihida ham o'yinchi, ham murabbiy bo'lib faoliyat yuritib Ligada g'alaba qozongan Guardiolani huddi shunday mavqega erishganlar - Migel Munyes, Jovanni Trappatoni, Yohan Kruiff, Karlo Anchelotti va Frank Raykard kabi buyuklar qatoriga qo'shilishiga sabab bo'ldi. Qahramonimiz jamoa tarihida Chempionlar ligasida g'alaba qozongan ham o'yinchi, ham murabbiylardan oltinchisi bo'ldi. Undan tashqari, 21 asrdagi "uchlik" sovriniga ega chiqqan dastlabki murabbiy endi Xosep Guardioladir.

Boshqaruvchilik faoliyatidan avval u Barselonada doim "klass" futbolchi hisoblanardi. So'ngra karyerasini Italiyada, Qatarda va yurtiga qaytishdan oldinroq esa Meksikada yuritdi. Demak u Kataloniya klubida 1984 yilda yoshlar akademiyasiga kelib qo'shilgandan buyon, Italiyaga ketgunicha bo'lgan.

Futbolchilik davridagi sovrinlari:

- La ligada olti bor chempionlik (1990-91, 91-92, 92-93, 93-94, 97-98 va 98-99)

- Yevropa kubogi (91-92)

- Kubok egalari kubogi (96-97)

- Qirol kubogi (96-97, 97-98)

Ushbu davr mobaynida Guardiola o'zining odatiy "4" raqamida maydonga tushgan.

Italiya A seriyasidagi debyutini 2001-2002 yilgi mavsumda Breshia tarkibida amalga oshirdi, keyingi yili Roma bilan Lombardiyaga qaytguncha bo'ldi.

Keyinchalik u Qatarning Al-Ahli jamoasida (2003-04-05), va uzoq Meksikaning Dorados de Sinaloa jamoalarida o'ynadi. Va nihoyat, 2006 yilning ohirida butsalarini "mixga" ildi va futbolchilik bilan hayrlashdi.

Unvonlari:

FC Barselona -

2009/10 Evropa Superkubogi

2009/10 Ispaniya Superkubogi

2008/09 Chempionlar Ligasi

2008/09 La Liga

2008/09 Ispaniya kubogi sohibi

1992 yilgi Olimpiada chempioni

Barsa Atletik -

2007/08 "B" divizionga yo'llanma.

1992 yili - "Bravo sovrini” bilan taqdirlangan

2000 yilgi Yevropa chempionatining ramziy terma jamoasi a’zosi

$IMAGE2$

Oilali, uch farzandning otasi.