Shanba kuni "Sevilya" klubi eks-yarim himoyachisi Adriano Korrea "Barselona" bilan 4 yillik shartnoma imzoladi. Uning transfer bahosi 9,5mln evro miqdorida bo'ldi.
Braziliyalik 25 yoshli yarim himoyachi ko'proq chap qanotga moslashgan, ammo o'zining ta'kidlashicha har qanday joyda ham maksimal tarzda o'ynashga harakat qilar ekan. Yangi jamoasidagi raqami - 21.
Adriano o'tgan mavsumda "Sevilya" tarkibida 27 bor maydonga tushgan. Terma jamoasi Braziliya safida esa sakkizta o'yinda maydonda harakat qilgan.
Ma'lumot uchun:
Futbolchining to'liq ism-sharifi: Adriano Correia Claro. Tug'ilgan kuni: 26 October 1984 yil. Tug'ilgan joyi: Curitiba, Braziliya. Bo'yi: 172 sm.
2002-2004 yillarda "Coritiba" jamoasida to'p surgan va 81 o'yinda 2 ta gol muallifi bo'lgan.
2005 yildan to 2010 yilga qadar Sevilya tarkibida 157 ta bahsda qatnashgan va 11 ta gol urgan. Bu orada Sevilya bilan UEFA kubogi, UEFA Superkubogi, Ispaniya kubogi, Ispaniya Superkubogi kabi qator yutuqlarni qo'lga kiritgan.
